Fargah

فرقاه، عيد وما بغيت أنا أنساه
وإبتعد مير الله ويّـاه
بس عفناه وبشرواه
الهوى ما فيه خِـيره
مشكور، ما عليّ بـحبّه قـصور
غلطتي عيّـشته الدور
خـالي شعـور الـمغرور
يحسب إن ما في غيره

مسكين يظن بعيش في كآبة
وأجـر علـى موت الـغـلا ربابه
مادام أنـا كـنت أفقده بحضوره
وشلون أحسّ بشوق له بغـيابه؟
حتى الولـه مـابي يـجيني منّـه
ولا خـير في عـشـرة وراهـا منّـه
اللي رقى بتفكيره وبشعوره
ما يلتــفت للي قسى وتدنّـى فرقاه

سد بـاب، وفتحت من بعده أبواب
وانطفت نـيران الأعصاب
فرحي إنساب جــدّاً حـاب
نفسي والدنيا بدونه
الوصال، مـو أهم من راحـة الـبال
بـٰـعده حل إن سبب إشكال
والأبـدال بالأدبـال
شكل وإحساس ونمونه

إمّـا غــلا من قلبي وبكرامة
ولّا بـلاهــا حـبـه وغـرامه
شـرّه غـدا وجروحي منه طابت
وأتحمّـد الله بعــده ع السلامة
قـلبي نسى وأدعي عسى نساني
والله يـعيـــن اللـي خـذا مكاني
أمّـا أنـا أمــوري مسـتتبّـه
وضعـي طبـيعي عـايش بزمانـي فرقاه

إمّـا غــلا من قلبي وبكرامة
ولّا بـلاهــا حـبـه وغـرامه
شـرّه غـدا وجروحي منه طابت
وأتحمّـد الله بعــده ع السلامة
قـلبي نسى وأدعي عسى نساني
والله يـعيـن اللـي خـذا مكاني
أمّـا أنـا أمــوري مسـتتبّـه
وضعـي طبـيعي عـايش بزمانـي فرقاه