Adfel

Ay ul d nniya i telliḍ
Yettrağun tizi ad tefteḥ
Tizi treggel-d s umeččim
Adfel tura i yetleqqeḥ
Rrbeḥ iεedd-ak ay ul
Kečč tmennaḍ-d amerreḥ
Rrbeḥ iεedd-ak ay ul
Kečč testufaḍ-d i rwayeḥ
Subbeɣ takessart lfilwan
Ifadden-iw ulwan
Lehlak d lqella n umesṛuf
Aseggas nekk d axeddam
Iḥettem-iyi zzman
Iffeɣ fell-i d ḍaruf
Lexber tezwar-d s axxam
Ɛezzam imawlan
Nnan-as madden yemmut
Nnan-as madden yemmut
Ay ul d nniya i telliḍ
Yettrağun tizi ad tefteḥ
Tizi treggel-d s umeččim
Adfel tura i yetleqqeḥ
Rrbeḥ iεedd-ak ay ul
Kečč tmennaḍ-d amerreḥ
Rrbeḥ iεedd-ak ay ul
Kečč testufaḍ-d i rwayeḥ
Aqel-i di rbeεṭac n cher
Yal ass d aḥebber
Tteḍbir tḍebber yemma
At wexxam meẓẓi meqqeṛ
Ɣran di leqher
Ḍḥan-d kerhen-aɣ d tama
A leḥbab akked iḍulan
Tḥemdem-aɣ-d ssalm
Ma yexlef-aɣ-d useggas-a
Ma yexlef-aɣ-d useggas-a
Ay ul d nniya i telliḍ
Yettrağun tizi ad tefteḥ
Tizi treggel-d s umeččim
Adfel tura i yetleqqeḥ
Rrbeḥ iεedd-ak ay ul
Kečč tmennaḍ-d amerreḥ
Rrbeḥ iεedd-ak ay ul
Kečč testufaḍ-d i rwayeḥ

A sidi Ḥend u Malek
A syadi ad tḥerrek
A ssadat n yibeḥriyen
Tasa-w s lxelεa tesbek
Ula ansi nḥerrek
Deg yir lexbar i d-yettasen
Ur yeẓri ḥed siwa nekk
Aql-aɣ-id di ccekk
Lexdeε yekka-d deg watmaten
Lexdeε yekka-d deg watmaten
Ay ul d nniya i telliḍ
Yettrağun tizi ad tefteḥ
Tizi treggel-d s umeččim
Adfel tura i yetleqqeḥ
Rrbeḥ iεedd-ak ay ul
Kečč tmennaḍ-d amerreḥ
Rrbeḥ iεedd-ak ay ul
Kečč testufaḍ-d i rwayeḥ