Әйел Жаны

Жібек сезім боп сүзіле алмасам,
Үр қыздарындай үзіле алмасам,
Ақық тасындай тізіле алмасам,
Әйел боп қайтем?
Әдемі гүл боп қауыз жармасам,
Әйел боп қайтем?

Жарымның жанын ұғына алмасам,
Түнекті жарған нұры болмасам,
Жүректе сақтар, 
Жүректе сақтар
Жүректе сақтар сыры болмасам,
Әйел боп қайтем?

Шапағат, мейір, шуақ болмасам,
Сарқылмас кәусар суат болмасам.
Балаларыма қуат болмасам,
Әйел боп қайтем?
Арымды мәңгі сақтай болмасам,
Әйел боп қайтем?