بينا عمر جميل

استنيتك يوم والتاني
اسمك ليه مافرقش لساني
ذكرى وعايشة ومش سايباني
مكدبش عليك واقف في مكاني
وخداك الدنيا ووخداني
عايش من غيرك وحداني
وبعاني بقولها انا بعاني
تايه وسط الليل
تيجي سيرتك بتهز وافكر
ممكن اعيش من بعدك هقدر
دانت فراقك كان خط احمر
بينا عمر جميل
بينا عمر جميل يا حبيبي
ببقى قاعد وسط ناس سرحان
شايف صورنا في كل مكان
ببعت حبيبي سلااام
بتمنى يوصلك
نفسي اشوفك حتى لو كان من بعيد
حد يطمني ايه في حياته حصل جديد
شايل حبيبي كلام
بتمنى يتقالك