Ghidara

‘U to corpu è una chitarra
Ca nun mi fa dormiri
È dintra ‘i mura, è supra ‘u tiettu
Mi cafudda ‘i sutta ‘u liettu
Ru sabato au venniri

L’unghia longhe ri ‘sta vita
Mi ciunnaru e azzappanu
E mentre tu ‘un ti scanti cchiù
‘A me arma è corda tisa
E triema supra ‘u nivuru

Vieni ccà cu mia
E nun tinn’iri cchiù
Vieni p’abballari
Muoru ‘i càvuru

Ciancu, coscia, coddu, curva
Ra me manu a strinciri
Ra to piedde a vugghiri
Ra me lingua a ghinchiri
Ra to corda a chianciri
No svalancu ru to cuori
‘U to cuori nivuru

‘U to corpo è una chitarra
Ca nun m’assuvierchia mai
È ‘u stissu lignu ra cruci
Mi cci inchiovu er eccu vuci
Talè comu m’arridduciu

Vieni ccà cu mia
E nun tinn’iri cchiù
Vieni vuncia ‘i scuru
China ‘i ciavuru

Ciancu, coscia, coddu, curva
Ra me manu a strinciri
Ra to piedde a vugghiri
Ra me lingua a ghinchiri
Ra to corda a chianciri
No svalancu ru to cuori
‘U to cuori nivuru

Ciancu, coscia, coddu, curva
Ri me rienti ar azziccari
Ri to rini a rumpiri
Ra to funcia insanguniata
Ra me vita a pierdiri

No svalancu ru me cuori
Caru paru paru
No svalancu ru me cuori
‘Un mi lassari, ‘un mi lassari