Iccati Sangu

‘A ccà ‘sta banna
Ju priu
Ca nn’abbrazzamu nei stiddi
Tutt’insiemmula

‘A notti jeccu una vuci
All’avutra banna
Picchì ‘un m’arrispunniti?
‘Un m’arrispunninu mai
Si ‘un chiovi ‘sta preghiera è fatta ‘i fiamme…

‘A ccà ‘sta banna
Ju jeccu vuci e priu
Ogni sira, ogni sira, ogni sira
Cafuddu pugni all’aria
E stancu ‘u duppiu
Picchì ‘un m’arrispunniti
‘Un m’arrispunninu mai
Si ‘un chiovi ‘sta preghiera è fatta ‘i fiamme
Ni fazzu n’avutra e v’avvampu

Iccati sangu a ghiri ddà
Chi è, chi c’è? Viri ca ti rugnu fuoco puru a tia
Iccati sangu a ghiri ddà
Chi fai, ‘unni vai?
Viri viri viri ca ‘un t’a firi a ghiritinni a ghiri ddà

C’è un cavuru n’o ‘nviernu
‘A cca ‘sta banna
Un lustru, pare agustu
Peccatu p’i manu mia
E chiove di lu cielu chiove sangu
Mi fazzu un bagnu
Iccati sangu a ghiri ddà
Chi è, chi c’è? Viri ca ti rugnu fuoco puru a tia
Iccati sangu a ghiri ddà
Chi fai, ‘unni vai?
Viri viri viri ca ‘un t’a firi a ghiritinni a ghiri ddà