Vucciria

Scappavamu ri nichi e nichi
“Strata liscia, pista vascia!”
Iccati ddà nei viculicchi
A pieri in tierra, in tiesta ‘a guerra.
Me’ matri avieva ‘i sdillinchi, ch’i tiritanchi,
Mentri ju spicava ch’i manu nei cianchi
Assicutatu ‘i tutti comu ‘u carru r’i santi.
“Sangu ru sagnu r’i me’ vini
si t’annagghiu t’i rugnu ne’i rini!”
Me’ matri nun lu sapi ca mi scassu ri forst
E poi satariu attipu grillu
Una sardella
In capu a’ sella
In capu ‘nu quintale ‘i gel
Arrivu isannu in mienzu o’ burdiellu
Ma me’ matri chi voli capiri, si nun mi viri,
Ju cercu l’amuri in mienzu ‘o Garraffaello.
Ciesca ciesca, ‘a chiazza
è un armalu chinu chinu ri tieste,
Chinu ri vrazza
A’ punt’a cantuniera incocciu quattru amici mia
Mi finisci ‘a cunfusioni er accumincia ‘a Vuccirìa

Ccà nun c’è nuddu ca nni rici niente
Nun c’è nuddu ca nni cunta favole
‘A matina abbannìu
‘A menz’jornu abbannìu
Tutta ‘a sira abbannìu
Arriva ‘a notti e fazzu vuccirìa

‘Atti mmriachi runn’egghiè
A unu a unu càrinu attipu niespuli
Unu lientu lientu pi lanzari s’arrassa
E viu ‘stu ciuri biancu, una cavadda ri razza,
Troppu delicata, troppu assistimata
Sulu sulu ca mi rici “cionnami” c’una taliata
Smuntu r’u muturi
N’a me’ tiesta attacca ‘u film e ju sugnu l’atturi
Anzi ju e idda nuri
Chini ri sururi
Nni schiacciamu i punti nivuri doppu l’amuri
Mi pigghiu ri curaggiu e ci ricu: “chi fa,
N’ammuttunamu i birra fino a doppuruma’?”

Nun mi nni avieva addunato
A lato ‘i l’amuri miu
C’è ‘u so’ zito, acciuratu,
Cu’ un pezzu ri cutieddu ca parinu dui,
Unu in capu all’avutru, simpatico,
Mi quartìu e ni viru n’avutru, poi n’avutru, poi n’avutru…

Si mi scusassi e m’a svignassi,
Ma chi pienzi ca ‘un m’a scapuliassi?
Ma ormai addivintavu n’armale
E l’antitetanica m’a fici a natale
P’un muzzicuni ri cane,
E ‘u culu ormai ‘un mi fa cchiù male
Trovu una vuci e ‘a jeccu supr’a Vuccirìa
“Ora viriemu cu è ca s’arrifardia!”

Ccà nun c’è nuddu ca nni rici niente
Nun c’è nuddu ca nni cunta favole
‘A matina ju abbannìu
‘A menz’jornu abbannìu
Tutta ‘a vita abbannìu
Arriva ‘a notti e fazzu vuccirìa

“Cu ‘i vagnò ‘i balati r’a vuccirìa?”
Sunnu quattru contr’a unu
Iccati all’anciluni versu ‘i mia
‘A genti s’allasca a taliare,
‘A chiazza è un giru ri nasca, è ‘n altare
E nui cinqu’ ddà nmienzu ‘o tagghiere
Haju un aumientu di freve
Ogni vota ca unu avanza un piere
S’avvicinanu ma nun mi spostu n’arriere
Mi pari tutta una manu ca strinci supra ‘u pusiere

Cu fu ca vagnò ‘i balati r’a vuccirìa?
S’u vegnu a sapisciu m’allisciu e poi m’u vasu tuttu
Ju a vu’ avutri vi futtu
Cu ‘sti balate lippuse
Vi fazzu cariri senza bisognu ca v’ammuttu
Infatti (sentiti chista, eranu quattru no?):
‘U primo sciddicò e ‘u sicunnu ci cariu in capu
‘U terzu li azziccò e sbattìu ‘a tiesta supra ‘na balata
‘U quartu si vutò e si firriò
Si intisi minacciato e s’a scapputtò

Comu fu, comu non fu
In menzu a tutt’a genti arristamu sulu
Ju e l’amuri miu, mischina, traumatizzata p’u riestu r’a vita
Si idd’a sienti parrari, nun havi cchiù parole
Ci prova siempre ma ormai s’a fira sulu a diri:
“Stump staz stupurutanz!”