Atheb Al Ajnas

يا حظ من هو ماخذنك عن الناس
يدري بغلاك وعن مشاعرك يدري
وأنا لك أفيّض شعوري والإحساس
لو الزمان يمر والعمر يجري

إكفخ بجنحان الهوى كفخ جرناس
مطلع وصيده متجي عنه بدري
يا شعاه للهدات والصيد هوجاس
وإن هد ماشي دون هدّته يذري
يناحر الصيده وينكس تنكّاس
وينثر غمام الريش في الجو نثري

دام الفرص تاتي بلا سابق قياس
خلك لها متولم ودوم حذري
خلك لها متولم ودوم حذري

خذ الهوى بالروف واهتم بالساس
شيّد لفهم الود والحب جسري
قلبٍ تعلق بالهوى يشكي الباس
مجبور يصبر ع المقادير جبري

يا من غلاتك خالطت جر الأنفاس
أحس بك ترقى وتنزل في صدري
يا أغلى من أصناف الجواهر والألماس
يا فوع وردٍ نادر وفوع زهري

في روض يهبّه من النود نسناس
ينفح شذا عطره على ضفاف نهري
عليك يحمسني من الشوق حمّاس
وأفرد جناحيني مع الشوق وأسري
أسري على طاريك يا عذب الأجناس
وآخذ خبر طيفك وأوصّله خبري

أشل قدرك فوق لعيوني والراس
وغلاك وأثقٍ به ولا يضيع هزري
في بعدك يراودني ألفين وسواس
وأروق في لقياك ويزين وطري

في بعدك يراودني ألفين وسواس
وأروق في لقياك ويزين وطري
أشوف في شوفتك رفعه ونوماس
يا مجدي ونوماس عزي وفخري

أشوف في شوفتك رفعه ونوماس
يا مجدي ونوماس عزي وفخري
يا حظ من هو ماخذنك عن الناس
يدري بغلاك وعن مشاعرك يدري