Mələklər Kimi

Adın düşməyəcək bir an dilimdən
Axı biz doymadıq bir-birimizdən
Xoş günlərin ömrü gödək olurmu
O günlər tez ötüb, tez keçdi nədən

Gələcəm yuxuna mələklər kimi
Ətir qoxuyacam çiçəklər kimi
Səni xatırlayıb düşünən anda
Öpəcəm üzündən küləklər kimi

Mələklər, mələklər, mələklər kimi
Gələcəm yuxuna mələklər kimi
Küləklər, küləklər, küləklər kimi
Öpəcəm üzündən küləklər kimi

Sadiq nələr çəkdi sən ki, bilmədin
Ağladı göz yaşın nədən silmədin
Yar-yar deyib yatammadım sübhəcən
Çox gözlədim, sən heyif ki, gəlmədin

Mələklər, mələklər, mələklər kimi
Gələcəm yuxuna mələklər kimi
Küləklər, küləklər, küləklər kimi
Öpəcəm üzündən küləklər kimi