Sevməyir Qoy Sevməsin

Küsdü yar məndən, nəhayət; sevməyir qoy, sevməsin!
Eyləməz könlüm şikayət; sevməyir qoy, sevməsin!..


Sanmasın, canan onünçün gözlərim qan-yaş tökər,
Tapmaram onsuz səadət; sevməyir qoy, sevməsin!..

Çatdırın, dostlar, vəfasız dilbərə son arzumu,
Çəkməsin eldən xəcalət; sevməyir qoy, sevməsin!..

Vəslə yaddır ilk məhəbbət; sevməyir qoy, sevməsin!
Şerə verdim könlümü; sevməyir qoy, sevməsin!
Bilmərəm bir özgə şöhrət; sevməyir qoy, sevməsin!