Nasy Kol Haga

وحدي ماشي في الشوارع رايح فين أنا مش عارف
يمكن بجري ورا بكرة ويمكن بجري من امبارح
سارح، بهرب من الدنيا الحقيقية أو خايف هي الكلمة الأدق
يجرى إيه لو عيشنا جوة فيلم أو أغنية
حياتي بتقول لي خلاص مفيش وقت
بيمد العمر بسرعة وبيجري بيّ
وأنا من جوايا عيل مش مستعد
مش عارف ليه الناس كلها مثالية
متأكدين من كل حاجة مفيش شك
بفكر فيكي وساعات بحن
مش لاقي أي حلم يصحيني
مش مهم، مش مهتم
سادد وداني ومغمض عيني

أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع ثاني لحياتي قبلك
أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع ثاني لحياتي قبلك

عايش أنا جوايا مفيش حد معايا
رغم الناس حواليا كثير أنا وحيد
بكتب حكاية لسه واقف في البداية
الورقة بيضاء لكن فيها شخابيط
فيها رسمة لمكان أحلى
وفيها قهوة وقعت مني وأنا سارح
وفيها عينيكي مرسومة لكن مش واضحة
بحاول أفتكر كل الملامح
مسامح نفسي على عمر ماعشتهوش
على قلب خاف يدق طول حياته
على كل سؤال ماسألتهوش
أكثر شيء مخيف هو الخوف ذاته

أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع ثاني لحياتي قبلك
أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع ثاني لحياتي قبلك