Vaqueitrack2

El que me cortexa a mí
nin de Sama nin d'Uviéu
ye de la rica Ribera
y trabaya nel Barréu, sí.
Cuanta-ya que vas y vienes
la cuesta subes y baxes
y agora toos sabemos
que te dieron calabaces, sí.
Los amores que tú tienes
primero van a to casa
y depués van pa la mía
a cuntame lo que pasa.
Y pa que vas a llavar
al ríu de manzanales
y pa llevas xabón
siendo tos manes cristales, sí.
Los amores que tú tienes
primero túvelos yo
me alegro que te diviertas
colo que a mí me sobró.
Nun tengo mozu nin quiero
ay señor nun me castigue
unu que me ta queriendo
permita Dios que me olvide, sí.
Y pa que vas a llavar
al ríu de manzanales
y pa que lleves xabón
siendo tos manes cristales, sí.