Ako Naman Muna

La, la
La, la, la, la, la
La, la, la, la

Kada hakbang sa lupa'y para akong inaalon
At nalulunod sa batikos ng mundo
Sa kung ano lamang ang kaya ko

Pigang-piga na sa mga problemang 'di masolusyonan agad
Parang wala nang bukas
Puwede bang umiwas?

Hinahanap ang sarili ngunit 'di na kakayanin
Sa ligaw na dinadaanan ko
Sa'n na 'to patungo?
Sa'n na 'ko patungo?

Dahan-dahan nating simulan muli ang paghakbang
Dahan-dahang tumingin sa salamin upang makita ang ating kagandahan
Dahan-dahang iangat ang mukha upang masilayan ang payapang kalangitan
Oo, pagod ka na, pero 'di ka nag-iisa
Kaya't lumaban ka at sabihing "Ako naman muna"

Kada langhap sa hangin, pansin ko na lagi na lang usok
Walang malinis, halos puro polusyon
Parang ako raw na konsumisyon

Gulong-gulo ang isip, sa'n ba lulugar kapag nagkamali?
Grabe sila manghusga
Bakit? Perpekto ba sila?

Huminga ka nang malalim at isipin nang mabuti
Ang mga desisyong ilalaan para sa kinabukasan
Nang makapunta sa paroroonan

Kung dahan-dahan nating simulan muli ang paghakbang (muli ang paghakbang)
Dahan-dahang tumingin sa salamin upang makita ang ating kagandahan
Dahan-dahang iangat ang mukha upang masilayan ang payapang kalangitan
Oo, pagod ka na, pero 'di ka nag-iisa ('di ka nag-iisa)
Kaya't lumaban ka at sabihing "Ako naman muna" (ooh)

Ako naman muna, ah (ooh)

Huwag papalamon sa lungkot
Huwag hahayaang malugmok ang puso mo
Sa ibabato sa 'yo ng iba
Tandaan mong sapat ka

Dahan-dahang tanggalin ang maskara at hayaang tumulo ang bumabadyang mga luha
Dahan-dahang iangat ang mukha upang masilayan ang mga taong ika'y pinapahalagahan
Oo, pagod ka na, pero 'di ka nag-iisa
Kaya't lumaban ka at sabihing "Ako naman muna"

Ako naman muna