Ehkili

نفس الرسالة وللمرة المية
عم بكتب أنا وعم تدمع عينيّ
وين راحت كل ها الحنية
احكي لي مين قساكي عليّ
احكي لي مين وكيف وليش
نساكي أنا حبيتك قديش

نسيتي إنت بعمان
في ذكرى بكل مكان
في وردة بالبستان
باِسمك أنا سميتها
نسيتي بيروت
عم نمشي بين بيوت
طرقاتها والشوارع
معك أنا حبيتها

احكي لي إنت كيف لسه نومك خفيف
لساته لون عينيكي فيه من لون الخريف
عن نفسي مخاوي الليل ساكن تحت عيوني
ياما اخترت السهر والليل
صاروا هما اللي عم يختاروني
من لما صرنا بعاد مش هم المسافات
المهم إنه ما تكوني انسيتي كل اللي فات

ونسيتي عمان
في ذكرى بكل مكان
في وردة بالبستان
باِسمك أنا سميتها
نسيتي بيروت
عم نمشي بين بيوت
طرقاتها والشوارع
معك أنا حبيتها

عم بكتب وارجع امحي
مش عارف إذا برسل ها الرسالة
أنا والليل وجرحي
انودع يا اللي كان علينا غالي

نحنا اللي كنا قراب بلحظة صرنا أغراب
مهما تكون الأسباب وين حبي بقلبك
بعرف أنا غلطان وبعرف إني كمان
بها الدنيا ما في إنسان قدي بيحبك

احكي لي مين وكيف وليش
نساكي أنا حبيتك قديش
نسيتي إنت بعمان
في ذكرى بكل مكان
في وردة بالبستان
باِسمك أنا سميتها
نسيتي بيروت
عم نمشي بين بيوت
طرقاتها والشوارع
معك أنا حبيتها
احكي لي مين، وكيف، وليش