Seren Syw

Mae prydferthwch ail i Eden
Yn dy gynnes fynwes feinwen
Fwyn gariadus, liwus lawen
Seren syw, clyw di'r claf

Yn dy lygaid caf wirionedd
Yn serennu gras a rhinwedd
Mae dy weld i mi'n orfoledd
Seren syw, clyw di'r claf

Liwus lonad, serch fy mynwes
Wiwdeg orau 'rioed a geres
Mi'th gymeraf yn gymhares
Seren syw, clyw di'r claf

Addo'th gariad i mi heno
Gwnawn amodau cyn ymado
I ymrwymo doed a ddelo
Rho dy gred, a d'wed y doi