Sanaaanii Chimee

Үес үесхэн бороо нь хүртэл
Yүлэндээ эрхлээд уйлаад л байна аа
Yд дундын нас минь хүртэл
Yнэнд саатаад уясаад л байна аа

Зэл зэлийн шувууд нь хүртэл
Зунаа тойроод ганганаад л байна аа
Зэрэглээ намхан тал минь хүртэл
Хүүгээ хараад өндөлзөөд л байна аа

Саран саран намайгаа гийгээд л байна уу?
Санаан чимээ шивнээд л байна уу?

Уйлаад байна уу?
Уугаад байна уу?
Шивнээд л байна
Сэвшээд л байна аа

Хавар, намрын бороо нь хүртэл
Хацар хацрыг минь норгоод л байна аа
Ханатын таван хана минь хүртэл
Хүний заяаг нөмрөөд л байна аа

Өргөст өргөст хөндий нь хүртэл
Өлмийг минь үнсэн аргадаад л байна аа
Өөр өөрийгөө мартах хүртэл
Өөрийг чинь би үгүйлээд л байна аа

Саран саран намайгаа гийгээд л байна уу?
Санаан чимээ шивнээд л байна уу?

Зүсрээд байна уу?
Зүүдлээд л байна уу?
Үгүйлээд л байна
Үнсээд л байна аа

Аяс аясхан бодол минь хүртэл
Санаандаа эргэцээд туниад л байна аа
Амьдын цэнхэр жаргал минь хүртэл
Сэтгэлдээ эрхлээд уясаад л байна аа

Ангир ангир шувууд нь хүртэл
Нуур нуурандаа уйлаад л байна аа
Ардын номхон дуу минь хүртэл
Аргалын утаатай уугиад л байна аа

Саран саран намайгаа гийгээд л байна уу?
Санаан чимээ шивнээд л байна уу?

Уйлаад байна уу?
Уугаад байна уу?
Сэвшээд л байна
Шивнээд л байна аа

Уясаад байна уу?
Уугиад байна уу?
Сэвшээд л байна
Шивнээд л байна