Skoot

أنا جاي أحكي لك وأكلمك كإنك أنا في الماضي
وأنا مش راضي حاسس ملل مفيش أمل قصادي
أديك عينة بسيطة من اللي ذوقته
ما أنا زييك مريض مش دكتور
يا دوبي بحكي لك اللي شوفته
كنت صبي إنما شوفت الكل
محدش في الناس دي فل الفل
طب بص وطل في وشوشهم غلب من كثر الذل
ده شرب المر اللي يعلم شاب في طفولته يرول
اتحرم حضن الأم إتعلم في الشارع الشغل الحر

أول درس مش كل دروس الشارع مفيدة
راجع تفكيرك حتى لو كانت الدافع بيهينك
إشتغل وأنضف الفقر مش جدع دي عبرة نيلة
الفقر شيطان والشارع اتخدع روح أقرا دينك

درس اثنين تفهم الفرق بين
صاحب الشدة وكلب الكيف
شوفت منهم قد إيه؟
صاحب قعدة وصاحب ساعدك
لما احتاجته كان لك جيش
صاحب لعنة وكلب جنيه
وصاحب أعمى قلب وعين

آخر درس شروط النجاح
يا تتكلم بوزن يا تخلي سكوتك سلاح
تتحرك في الخفا قبل ما يقصوا لك جناح
الشارع مبيحبش حد ومبيعرفش حق
ومفهوش أصول كله امباح
حتى الدم مهما كان في قلبك ذنب ولا اتخانت
مفهاش فرق كم هم الزمن خلى الناس تتجن
هل مهتم؟ مفيش شكوك من غير كرامتي أنا مليش وجود
وأكيد أكرم لي من إني أعيش في سكوت

بقول لك إيه وسع وأفتح سكة لسه بداية الرحلة
الدنيا مسيرها بتحلى الجيل ده في محنة
وإن جت فرصة يهج عادي هيطير ويبيعها
بنشرب نحرق علشان نهرب نحلم طب أمال إمتى الضحكة
في زيج زاج حلوة ووحشة مهما فشلنا نجحنا
مسيرنا نلف ونرجع ثاني ونعيش اليوم

مية حاجة وعشرين مليون ع النت مشاهير بالكوم
هتمشي ورا مين في دول؟ مين اللي دور في ذاته ولقاها
كلها ع الشاشة ماسكين الفون الزمن ده خلا الحقيقة بيئة
والكذب متشيك ع التليفزيون يا ساتر يا رب
أنا وزميلي داخلين في مطب لازم أتعلم أشيل مسؤولية
عشان في سن الثلاثين أبقى أب لازم الصبر
لازم أشيل من القبض لازم أغير طريقة القبض
لازم أكون متوازن قدام الضغط عشان أبقا لك ضهر

الأهل والحب يعيطوا للراجل الراجل يعيط للشجرة
الراجل لازم يبقى هضبة الراجل مش محتاج لشفقة
لو خايف تتحرك مش عارف تروح لفين
اللي خاف التعب أكثر من الفشل أزميلي بيذوق الاثنين
ده الواقع والكذب ملوش رجلين دي الدنيا واحنا تلاميذها
بكرة نبقى اساتذها أنا مش بتكلم في السياسة علشان دي الوقتِ بمارسها
عندي ميشن بنفذها لو مكاني كنت تزهق
على المولى رزقي ورزقك صفوا النية الدنيا تسلك

وسع وإفتح سكة لسه بداية الرحلة
الدنيا مسيرها بتحلى الجيل ده في محنة
وإن جات فرصة يهج عادي هيطير ويبيعها
بنشرب نحرق علشان نهرب نحلم
طب أمال إمتى الضحكة في زيج زاج حلوة ووحشة
مهما فشلنا نجحنا مسيرنا نلف ونفتح سكة
ونبدأ ثاني في الرحلة مسيرنا نلاقي مفاتيحها
مسيرها بتحلى عشان الجيل ده في محنة
أزميلي بس إنسى نبيعها بنشرب نحرق علشان نهرب نحلم
طب أمال إمتى الضحكة في زيج زاج حلوة ووحشة
فشلنا نجحنا إدعي لنا ربك يسامحنا