Годзе

Хай жа вам так не здаецца, 
Што бяда ўжо і зацісьне. 
Знайце, ліха ператрэцца 
I маланкай доля блісьне. 

Праўда, поўны сумаў весьці 
Буйны вецер нам прыносіць, 
Што як з гора, як з балесьці 
Каля нашых хат галосіць. 

I галосіць, і заводзе, 
Плача, як па дзетках маці, 
Аж бы крыкнуў: Годзе, годзе! 
Годзе сэрца жалем рваці! 

 Але ўсё ж, хай не здаецца, 
Што бяда ўжо і зацісьне, 
Наша ліха ператрэцца, 
I маланкай доля блісьне. 

 Праўда, поўны сумаў весьці 
Буйны вецер нам прыносіць, 
Што як з гора, як з балесьці 
Каля нашых хат галосіць. 

I галосіць, і заводзе, 
Плача, як па дзетках маці, 
Аж бы крыкнуў: Годзе, годзе! 
Годзе сэрца жалем рваці! 

Годзе сэрца жалем рваці!