Djâm Brancu Dja

N'ta kontra ku bo na rua, n'ta mostrabu nha dentona
N'ta xinta n'ta ri ku bo, bu ta pensa ma mi ê bu amigu
N'ta kontra ku bo na rua, n'ta mostrabu nha dentona
N'ta xinta n'ta ri ku bo, bu ta pensa ma mi ê bu amigu

La di riba na nha trabadju, xefi grandi gosta di mi
Di serbent n'bira kapataz, kapataz bira serbenti
La di riba na nha trabadju, xefi grandi gosta di mi
Di serbent n'bira kapataz, kapataz bira serbenti

Nha korpu sta ben dispostu, nha barriguinha dja bira grandi
La na kaza ka ten problema, nha minis sta tudu gordin
Nha korpu sta ben dispostu, nha barriguinha dja bira grandi
La na kaza ka ten problema, nha minis sta tudu gordin

Oi, oi oi oi, mundu sta pa bo
Oi, oi oi oi, djan branku dja!
Oi, oi oi oi, mundu sta pa bo
Oi, oi oi oi, djan branku dja!

Si bu kre ser sima mi, si bu kre sabi nha segredu
Bu fala ku mantegueru, bu fala ku ngraxador
Si bu kre ser sima mi, si bu kre sabi nha segredu
Bu fala ku mantegueru, bu fala ku ngraxador

Na mon skerda n'ten lata d' graxa, na mon direita n'ten skova fina
Na ponta d' bota sim sinhor, konbersu sabi na trabesadu
Na mon skerda n'ten lata d' graxa, na mon direita n'ten skova fina
Na ponta d' bota sim sinhor, konbersu sabi na trabesadu

Oi, oi oi oi, mundu sta pa bo
Oi, oi oi oi, djan branku dja!
Oi, oi oi oi, mundu sta pa bo
Oi, oi oi oi, djan branku dja!