Sengaandhale

செங்காந்தலே உனை அள்ளவா
செல்ல தென்றலே உனை ஏந்தவா
அழைத்தேன் உன்னை என்னோடு
இருப்பேன் என்றும் உன்னோடு
அன்பே உன் கைகள் என்னை தீண்டுமா

மிதந்தேன் காற்றில் காற்றாக
நடந்தேன் இரவில் நிழலாக
கண்ணே உன் கண்கள் என்னை காணுமா

ஆராரோ ஆராரிரோ
ஆராரோ ஆராரிரோ

சின்ன சின்ன மலர் குவியலை போல்
எனக்குள் மலர்ந்தாய்
என்ன என்ன உயிர் சிலிர்க்க வைத்து
கருவில் அசைந்தாய்

உன்னைப் பெறும் அன்னை வலி
வலியல்ல ஓர் வரமே
என் மார்பிலே கூடுகட்டி
நீ உறங்கிடும் நாள் வருமே

பால் கசியும் இதழோடு
உன்னைக் காணவே
தெய்வம் கூட ஓசை இன்றி
வந்து போகுமே

செங்காந்தலே உனை அள்ளவா
செல்ல தென்றலே உனை ஏந்தவா

அன்னை நெஞ்சில் அனல் எரிகையிலே
மழைபோல் வந்தாய்
எந்த திசையிலும் இருட்டுக்குள் நான்
வெளிச்சம் தந்தாய்

ஜென்மம் ஒன்று போதாதென்று
ஏழு ஜென்மம் நான் சுமப்பேன்
என் வாழ்விலே ஒரே இன்பம்
கண்ணில் வைத்து பார்த்து கொள்வேன்

உன் மேல் தூசும் தீண்டாமல்
காப்பேன் அன்பே
காலம் முழுதும் உனக்காக
வாழ்வேன் அன்பே

செங்காந்தலே ஆராரிரோ
சின்ன தென்றலே ஆராரிரோ