Vierno

È 'vierno e chiove, chiove, chiove 'a 'na semmana
E st'acqua assai cchiu' triste me mantene
Che friddo quanno è 'a sera ca me vene
Cu st'aria 'e neve mo' ca manche tu
'Sta freva ca manch'essa m'abbandona
'Sta freva a cuollo nun se leva cchiu'

'Vierno che friddo int'a stu core
E sola tu ca me puo' da' calore
Tu staje luntana e nun te faje vede'
Tu staje luntana e nun te cure 'e me

Ca mamma appiccia 'o ffuoco tutt' 'e ssere
Dint'a 'sta cammarella fredda e amara
Ma che l'appiccia a ffa' vecchia mia cara
S'io nun me scarfo manco 'mbraccio a tte
Povera vecchia mia, me fa paura
È n'ombra ca se move attuorno a mme

'Vierno che friddo int'a stu core
E solo tu ca me puo' da' calore
Tu staje luntana e nun te faje vede'
Tu staje luntana e nun te cure 'e me