Peter Warum

Peter warum
i wor no jung
und hob net verstandn
wos mit dir wor
du worst so stumm

Peter warum
wos wor der Grund
wie fangt des au
und wo kummt des her
ab wann braucht ma mehr

Es hot doch jeder gspiat
dass do wos net stimmt
sogor i als Kind
und i hob nix gwusst
von Vodka und Gin

Es hot doch jeder gredt
nur kana mit dir
vielleicht bei an Bier
und dann nur als Scherz
den ana riskiert

und i frog mi

Peter warum
sog ma warum
die Oma hot gsogt
wennst net aufhörst
dann bringt di des um
und sie hot si gwunschn
dass sa si täuscht

Peter warum
warum nur warum
hätt dir wer gholfn
wärst heute vielleicht pumperlgsund
i hoff dir gehts guat
und jetzt is ois leicht
Peter warum

Hots di befreit
vom Vater sein' Schreien
wenn er hamkumman is
b'soffen vom Wein

Die foischn Freund, ka Liebe und z'vü ala
dei Weg wor so schwa
und wenn die Oma wos gsogt hot
wor's a Trara

Host du jemois gmerkt
wos dir do passiert
host di geniert
und dann resigniert
weil's eh nix mehr wird

und i frog mi

Peter warum
sog ma warum
die Oma hot gsogt
wennst net aufhörst
dann bringt di des um
und sie hot si gwunschn
dass sa si täuscht

Peter warum
warum nur warum
hätt dir wer gholfn
wärst heute vielleicht pumperlgsund
i hoff dir gehts guat
und jetzt is ois leicht
Peter warum