ลืมอ้ายแล้วกา 2
จรัล มโนเพ็ชร
2:48ลืมอ้ายแล้วกา ก่อนสัญญากั๋นว่าจะใด ลืมฮักตี๊เกยฝากไว้ ลืมขอนไม้ตี๊เกยนั่งเคียง ลืมเปี๊ยดลืมซ๊า ลืมโอ่งฮ๊าลืมมีดลืมเขียง มาตัดก้อมสินเปียง ลืมอมเมี้ยงลืมแม้ห่อยา ลืมห้างก๊างเฟียงก่อนนั่งเคียงเกยเลี่ยงหลีกหนี ยามอ้ายก๋ำมือสาวจี๋เล่นอุ่มลี้สองคนจั๋นตา ลืมควายแม่ว๊องลืมแม้ฆองตี๊เกยใส่ปล๋า มากึ๊ดสันใดจาจากบ้านนาปอบ่แลบ่เหลียว ไปอยู่กับไผ๋ตี๊ไหนตางใดกั๋นเล่า กึ๊ดเติงหาเจ้าสุดโศกเศร้า อ้ายเฝ้าแลเหลียว จะเยี๊ยะจะใด บ่มีไผ๋ซักเสื้อซักเตี่ยว จำนักฮักเฮาแห้งเหี่ยว อยู่คนเดียวเป๋นดีใคร่ต๋าย ลืมอ้ายแล้วกา น้องจั๋นตาไยว่าใจ๋ดำ จ๊าดนี้เป๋นเวรเป๋นก๋ำ ตวยมาซ้ำตั๋วอ้ายบ่วาย กึ๊ดฮอดวันนั้นอ้ายลืนขนมจั๊นขำคอเกือบต๋าย เตียวเซาะหาอี่นาย จ๋นน้ำลายปอเป๋นตังเป๋นเหนียว ลืมอ้ายแล้วกา น้องจั๋นตาไยว่าใจ๋ดำ จ๊าดนี้เป๋นเวรเป๋นก๋ำ ตวยมาซ้ำตั๋วอ้ายบ่วาย กึ๊ดฮอดวันนั้นอ้ายลืนขนมจั๊นขำคอเกือบต๋าย เตียวเซาะหาอี่นาย จ๋นน้ำลายปอเป๋นตังเป๋นเหนียว