Franchina

Stu quarteri è tuttu petri
è buttani e buttaneri
è na chiesa, 'n crucifissu
quattru seggi di pinseri

Di sti basuli canusciu
tutti i nzinghi, ogni purtusu
ca stu cori avanti a porta
c'ha crisciutu ginirusu

Vi pavati a cunfissioni
un vattiu ogni simana
ju va rugnu a 'ssoluzioni
cche piccati i na buttana

Siti sperti e maritati
tutti masculi, quali puppi
ammucciatilu ssu scantu
nta sti minni e nta st'aricchi

Cu Gesù sula mi curcu
e Gesù ma cunsigghiatu
di spartirlu u ma cunortu
ca di tia nun m'aju scurdatu