U Trenu Di Bastia

O lu trenu di Bastia
Hè fattu per li signori
Pienghjenu li carritteri
Suspiranu li pastori
Per noi altri osteriaghji
Sonu affani è crepacori

Anghjulì lu mio Anghjulinu
Pensatu n'aghju una cosa
Quandu passerà lu trenu
Tirali una mitragliosa
È la ghjente chì sò nentru
Voltali à l'oritrosa

Anghjulì lu mio Anghjulinu
Datti un pocu di rimenu
Vai è feghja issu catinu
S'ellu hè viotu o s'ellu hè pienu
È poi lu prisenteremu
À lu sceffu di lu trenu
À ch'hà inventatu lu trenu
Hè statu una brutta ghigna
Ghjunga lu filosserà ne
Cum'hè ghjuntu à la mio vigna
Li caschinu li capelli
D'una maladetta tigna

Chì ci avemu più da fà ne
In piaghja lu mio Anghjulinu
Passanu le settimane
Senza vende un bichjerinu
Passanu le settimane
Senza vende un bichjerinu