ព្យុះជីវិត

ព្យុះសមុទ្រ
ដើរសម្លុត គំរាមសង្ខារ
នៅតែចាញ់ដួងចិត្តឫស្យា
នៃប្រុសសាវា
កៀកកើយសង្សា បញ្ឈឺនឹងភ្នែក

ភ្លើងសង្គ្រាម
បង្ហូរឈាម មនុស្សជាតិ
នៅតែចាញ់ល្បិចកិច្ចកល់ស្នៀត
មារយាទបុរស
បំផ្លាញសម្ផស្ស ព្រហ្មចារីស្រី

ព្រានអឺយលោកព្រានអឺ ស្អាតសង្ហា
សូមកុំប្រាថ្នា បំផ្លាញជាតិស្រី
បើមានតែប្រុស ហើយគ្មានស្ត្រី
គ្មានភពលោកីយ៍ សុខដុមទេ

ឋាននរក
ដែលលក់ខ្ទុះ លក់ឈាមស្ត្រី
នៅតែចាញ់ឪពុកចង្រៃ
បង្កើតកូនខ្ចី
ចោលតាមវិថី អមនុស្សធម៌

ព្រានអឺយលោកព្រានអឺ ស្អាតសង្ហា
សូមកុំប្រាថ្នា បំផ្លាញជាតិស្រី
បើមានតែប្រុស ហើយគ្មានស្ត្រី
គ្មានភពលោកីយ៍ សុខៈដុមទេ

ឋាននរក
ដែលលក់ខ្ទុះ លក់ឈាមស្ត្រី
នៅតែចាញ់ឪពុកចង្រៃ
បង្កើតកូនខ្ចី
ចោលតាមវិថី អមនុស្សធម៌