Terra Sacra

Cantu pè la terra sacra
Duve dorme la memoria
Cantu pè la terra sacra
Duve torna ogni gloria

Quandu ch'ell'alburighjeghja
A nazione si rinova
Cantu chì spampilluleghja
L'alba di li tempi novi

Cursichella addulurata
Vogliu armatti mille canti
Mille voci spurgulate
E milli cori d'amanti

Di fiati cum'è lu ventu
Per empie valle è furesta
Quandu traghje mal'cuntentu
Ci face pisà la testa

Testa morra à la celente
Chì basgia l'eternità
Morra testa d'a mo ghjente
Chì offre lu so cantà

Testa morra à lu sole
Chì schiaffa l'immensità
Morra testa quandu bolle
A forza di quellu chì sà