Slampamperlied

My slampamperlied gespeen op winterreën
Is klein en sag soos kuikentjies en warm soos my tjello
My slampamperlied vertel van bruin seisoene
Van manderyn lemoene so soet soos marsepan

En ek speel hom op my windharp en ek draai hom toe
Doe-doe, doe-doe
En ek los hom in ‘n moskaros teen die môre
Doe-doe, doe-doe

My slampamperlied kom lê dan teen jou vlanke
As jy bang word in die donker waar jou koperbed soms leeg is
My slampamperlied besweer jou ergste vrese
Huiwer in die somer van ‘n donker nag se drome

En ek speel hom op my windharp en ek draai hom toe
Doe-doe, doe-doe
En ek los hom in ‘n moskaros teen die more
Doe-doe, doe-doe
Doe-doe