Wintersoggend

Die winter piggel teen die ruit
Die donker kom druip na binne
Huiwer net ‘n oomblik,
Glip dan weer saggies uit

Die sirkels word al kleiner
Al nouer word die kring
Wat die amber van die more
Die doelloos nader bring

Die reëls kan soms verskil maar die spel bly steeds dieselfde
Die soektog word noodwendigheid
Want die mens bly steeds net helfte
Die soektog word noodwendigheid
Want die mens bly steeds net helfte

Die nag bly steeds ‘n bedevaart
‘n Doringpad nog ongekaart
Waar die groot en die ou, ou sonde
Bloei uit nuwe dieper wonde

Die horlosie sluip die ure
Onverbiddelik en tog
Oorleef ‘n duisend donker vure
Die liefde se bedrog

Die reëls kan soms verskil maar die spel my vriend bly steeds dieselfde
Die soektog word noodwendigheid
Want die mens bly steeds net helfte
Die soektog word noodwendigheid
Want die mens bly steeds net helfte