Home Comes First

بقوله وأنت اللي دافعت عني في عركة التغيير
بكرة هتقتلني بايديك في ميدان التحرير
كشر بأنيابك السودا بلا محاذير
رافع ناداك للجهاد ويفط آيات الرب
لكن وقلبك عتم مفيهش شيء يتحب
ناوي علي قتلنا خصومك ولاد الكلب
عارفك متكرهش في الكون قد كلمة شعب
وقد مصر اللي ياما ف عرفكم تتسب
قاريك وحافضك انا وانت قاريني كمان
نكنس دروب الوطن تفرشها بالمسامير
ان كنتم فاكرينا راح نسكت معدش سكوت
معدش حيلتنا فيكي يا مصر غير الصووت
ولا انتوا مبتعرفوش ان في سكوتنا الموت
ابقي ميزان عدل الا العدل يامولاي
ان مال قلبك هناك قوم اعدلوا وياي
دي ثورة مش لعبة تمشي علي هواك وهواي
احنا منعنا سؤال الليل وفين وازاى
ولو نسينا في يوم ضميرنا مش نساي
خليك خميلة مظلة ع الجميع بالعدل
احسن صريح الكلام ولا أحسن المسكوت
احنا حماة الوطن في السرا والضرا
واللي يحابي الفساد راح ينطرد بره
والثورة حالفة تحكم في وطن حرة
ومهما كان اللي بيطبطب علي الفاسدين
الثورة مالهاش عينين اتنين لها ملايين
ومادام ضمير الوطن عينكو مأتمنيين
أوعوا تسيبوا مصيره
في يد ناس تانيين
وأوعوا تستهونوا بغضبة الثايريين
هموا معانا نعدي فوق جسور الود
ومن مرارة اللي فات
نـــخلق جــمال بكرة