Plein Speronza

co ti eis plein speronza sora notg maneivla
ti aunghel dil silenzi benediu.
co ti cun ala plein’e palmamaun migeivla
schurmegias mei, miutetg e quel ch’ei miu.

cun buntadeivlas alas cuarclas ti las fridas
ch’il di malmund ha dau cun bratsch aviert.
ed en letezia il pitir amar ti midas
e das glischur e funs al freid entiert.

sche neu e pren mei pia en tes mauns to sora
e metta a ruaus miu cor e mia sort
e dai a mi in amen mo in lev sinzur.

neu sora notg cun tiu ruaus e ti’amur
e porta mei bufatg cun tei enviers l’aurora
e meina mei amitga cara uss el port.