Maris De Fadie

Sence mai polsâ,
sot il zei di San Pauli a Madins, 
il frutin e la gugje sul grim,
si fruiavis cidinis cul timp.
 
Sence mai polsâ,
sot il zei di fantatis a gnot, 
su pai trois o cjantavis d'amôr  
ancje sot di chê crôs di puartâ.

Oh maris de fadie, contait,
oh rosis de Cjargne, ce us restial vuê? 
Oh maris de fadie, contait,
ce ûs restial tal gei de gnot? 

Zoventûts semenadis ancje in vuere sui crets,
ce ûs restial tal gei dês stelis?
Sence mai polsâ...