Mulinarella

Vinni 'mu cantu a 'stu palazzu d'oru
Cchjù non mi servi lu passari avanti
'nc'è na figghjola chi spandi tesoru
Ogni capillu porta 'nu diamanti

Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella

Giuvani chi pi' amuri jiti arranti
Arretu a li me' porti non veniti
Ca non su' donna simili e custanti
Pe' cunsentiri a li vostri partiti

Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella

Trasi, giovani meu e trasi radenti
No' mu si vistu di li mei vicini
C'hannu la lingua comu li serpenti
Tagghjanu comu spati di meschinu

Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella

Lu carru a la salita si tratteni
E a la pendina grandi furia pigghja
Ca cu' non cerni la farina bona
Lu pani si lu mangia di canigghja

Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella

Guarda chi volu chi fici 'sta quagghja
Ca 'nci pariva ca lu cielu pigghja
Po' catt'in terra e si fici magghja
Fici la mala Pasca e 'mu la pigghja

Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella
Mulinarella mia, mulinarella
Mulinarella mia, quantu si bella