Tarantella I Focu

Sta tarantella è una di cchiu fini
E li cuntrasti u si teninu luntani
Chistu è lu ballu di li malandrini
Di genti d'onuri e ddi boni cristiani

E vali a diri di bona simenza
Rappresentati di lu capu stanza
È n'omu d'onori e mi detti traggenza
E selezionu l'omini i sustanza

Ora chi sugnu eu nto primu giru
Stasira non c'è nullu chi mi ferma
E u manascraccu chi mi veni a tiru
S'ammostru eu comu si cumbatti i scherma

Eu mi rritegnu un giuvani ngarbatu
E ssi c'è cosa non mi tiru arretu
Portu rrispettu e vegnu rrispettatu
Na vota sula parlu e no ripetu

E non mi mentu mai chi spalli o muru
Ca portu la cuscienza assai pulita
E ccui m'affrunta a mmia ca trova duru
Giuvani sugnu, ma già n'omu di vita

Arrivu di na terra assai luntana
Undi nventaru l'ostia divina
Mpastata ccu farina asprumuntana
Sfurnata cu splenduri i luna china

Stu ballu lu nventamma a stili anticu
Quandu nto sgarru si scherzava pocu
Quandu n'amicu era un veru amicu
Salutu a tutti cu sta tarantella i focu