Morena

Veño de bailar, morena,
veño de bailar.

Veño de subir ao alto
que do alto vexo ben.
Quero ver aos meus amores,
se se falan con alguén

Para bailar veño eu,
para cantar miña irmá,
para tocar o pandeiro
viva quen o ten na man

Hoxe vai haber serán-e,
hoxe vémonos na festa.
A ver como saio desta
véndote mover no baile.

Para bailar veño eu,
para cantar miña irmá,
para tocar o pandeiro
viva quen o tén na man.