Grantanse

Soleil monter dan'ciel bleuté
Ti z'oiseau blanc rode pou chanter
Dan'nid douillet ça pou gazouiller
Dan'nid douillet ça pou gazouiller
A bien regarder...
Mon z'yeux lé fermé
Assise en tas su le sable en bas
Dan'fond Grand Anse vous-même mi pense
Batte batte batter la mer sous mon pied
A bien regarder
A bien regarder mon z'yeux pou voiler
A bien regarder mon z'yeux pou brûler
Soleil monter dan'ciel bleuté
Z'amoureux bratés là pou roucouler
Mon cœur lé gros dessous filaos
Mon cœur lé gros dessous filaos
A bien regarder
Mon z'yeux pou brûler
Assise en tas su le sable en bas
Dan'fond Grand Anse mon cœur i lance
Mi pense... mi pense toujours encore
Mi pense encore femme là plus fort
A bien regarder
A bien regarder mon z'yeux pou pleurer
A bien regarder
A bien regarder mon z'yeux pou pleurer