រង្វាន់ទឹកភ្នែក

I- ឈ្នះចាញ់ចិត្តគ្នា ទាមទារត្រូវខុស
   កំហឹងបណ្តុះ ស្អាប់ស្អុះដំណេក
   អាកាសខ្យល់ហប់ ស្អប់បន្ទប់ដេក 
   រង្វាន់ទឹកភ្នែក យើងចែកគ្នាយំ ។ 

II-លទ្ធផលយើងបានឡើងឡានចែកផ្លូវ
   បំពេញចិត្តក្ដៅ ផ្លាស់ផ្លូវជួបជុំ 
   ផ្ទៃមេឃប្តូរពណ៌ ឈរស្ទើររលំ
    អកព្រាត់ទ្រនំ យំដៀលគូកម្ម ។

R- សល់តែរូបថត ចតផ្ញើជញ្ជាំង 
     ទុកនៅមួយផ្ទាំងកញ្ចក់បែកស្រាំ
     អំបោះថ្ងៃការ ប្រាថ្នារយឆ្នាំ
     ជម្លោះទារស្ដាំ  ខ្ញាំផ្ដាច់ចំណង ។

III-ពិព័រណ៍ស្នេហ៍យើង ដូចភ្លើងចំបើង
    អូនបង្កើតឡើង ដូចទូកចម្លង 
    ស្នេហ៍អស់និស្ស័យសល់ស្បៃសៅហ្មង 
    ចែកអូននិងបង ជូតស្នាមជីវិត។