Rakam 1 Da Mesh Enta
El Joker
3:59
Текст песни
تحية في بادئ الكلام للأسياد وللعوام قصتنا قصة قرية في أرض الله من ألف عام قرية كانت عايشة في سلام أحوال الناس تمام الصبح الناس تشوف أشغالها ييجي الليل تنام ليلة الخميس يا للسمر يا البت لو جد موضوع الجمعة الناس تزور الناس عشان باقي الإسبوع بين زراعة بين حراسة بين تجارة بين دراسة حرف أغلبها بالوراثة حياة بسيطة والخلاصة الإكتفاء، القرية مش في سباق ما يعرفوش حياة غير دي فيقارنوا يحسوا باستياء طبعا ما بينهم في فروق بسيطة دي الأرزاق ومش ملايكة، بينهم غيرة، وفي كذب ونفاق لكن عموما الدنيا كانت ملمومة في نفوس بتشيل وتفضى مافيش نفوس مسمومة بأي حكم الناس بترضى فالصراعات معدومة لا حد عارض عمدة، ولا حراسة احتاجوا شومة يا سامع يا كريم إستعيذ من الرجيم قريتنا الهادية زارها في ليلة شؤم ضيف لئيم وقال المولى اختص عبده بالعلم القديم علم السحر لكن هداه إتجاه سليم فاستغله في إنه يساعد ناس بدون أغراض مالوش أسياد ولا طلبات مافيش بخور ولا حركات قال من النيل حتى الفرات أنا صانع للناس كُرات يشوفوا فيها عيشة ناس من مختلف حضارات لحظة بلحظة، وبشكل دايم مش فترات مافيش قيود على النظرات مالهاش عدد مرات وإختياري في قيد واحد على الأعراض سبحانه خلقنا مُخيرين فلا أُبدي إعتراض فشيخنا قال ملعون والباقي قال مجنون كورة إيه اللي تكشف غيب، وتسافر بالعيون فقال آدي الجمل، وآدي الجمال وطلع كورة وقال أهو ده اللي قولتوا عليه محال دخلنا في الكئيب صلي ع الحبيب ذكره رحمة لينا؛ لإن بيه النفوس تطيب القرية إتلمت ع اللي يخلي روس تشيب كله يبدأ بالتكذيب يبص في الكورة يقول عجيب وبعد ما تاهت العقول، واتبدل التكذيب بقبول خطف إنتباه الناس فجأة صوت الشيخ بيقول ودي مين يعوزها غير مخبول إيه حاجتنا إن احنا نعرف حال الروم أو المغول؟ لتعارفوا كتاب الله يا شيخنا اللي تعرفه ربك خلقنا شعوب بطرُق مختلفة بيتصرفوا فلما غيرنا يصيب في شيء ما نعرفوش نعرفه نكون بُنيان مرصوص بدل ما نكون اللي أسرفوا من أهل القرية واحد، واحد قال عايزها الساحر قال ليكوا شخصيات مُختلفة ولازم أدرسها أصل كُراتي معمولة خصيصا للأشخاص، وده بيميزها معمولة على ذوق الفرد أو الأفراد اللي في حيزها نبدأ بأخونا راضي كان عايش وراضي لحد ما شاف في الكورة ملوك أصحاب قصور وأراضي شاف اللي بيصرف تل مال، وطول الوقت فاضي فحكم بإن الدنيا ظالمة دي مش محتاجة قاضي كره بيته وجلبيته، وكل شيء في مُحيطه كل ما يتفرج أكثر كل ما تتحطم نفسيته أصل بيزيدوا فيزيد تساؤل ليه ده مش في إيده خصوصا وإن معظمهم لا في مهارته، ولا تربيته تانينا الأخ سعيد كان عايش سعيد شايف في الدنيا خير يكفي خلق الله، ويفيض بس في الكورة شاف عبيد، وسيوف من الحديد وحروب، وناس بتموت من الجليد حتى الجليد حس بتهديد، وبحزن، وإنه محتاج يعيد تفكير في واقع ظنه خيّر بس طلع مريض يمكن بعيد بس اللي شافهم دول مش جنس جديد هما ناس، وأهل القرية ناس، وقاع الناس غويط العمدة جت في باله فكرة بعت للساحر جاله قالها له؛ فقاله الساحر إنه هيعملها له يومين ونادى منادي ع الكل الحضور الآن العمدة هيوريكوا شيء مهم في الميدان الكل حضر في الميدان كورة عملاقة فوق حجر العمدة قال أهي دي هتعرض حال بلاد وغجر إشكروا القدر إني اللي بحكم إحذروا من البتر لولايا كان زماننا في حالهم بس المولى ستر فحمدوا ودعوا يطول أمده مين اللي يكره سنده غير القلة اللي عندوا وقائدهم المذموم اللي بيكره الخير لبلده فانفلتوا وقالوا الكورة وهم لكن ما ثبتوا الساحر قال الكورة عاجزة تخلق زيف قالوا له منعا للنزيف جنب الكورة دي هتضيف كورة ما تجيبش شيء مُخيف حتى لو كان ده تحريف كورة ما تجيبش غير ربيع يبين إن إحنا في خريف وفجأة أهل القرية بقوا اثنين حزبين رأيين عالم ليه وشين كله مصدق اللي شايفه في كورة من الكورتين قريتنا ما كانتش تعرف حرب دي الوقت في حربين حرب نفسية سببها آثار الكورة على كل شخصية حرب أهلية سببها ناس أنانية فاقدة المصداقية كلمة ختامية لو عاجباك الأغنية شُك فيّ عشان هي كورة لفكرة في راسي قد تكون وهمية
Похожие песни (11)
تروح لمين (من فيلم البحث عن منفذ لخروج السيد رامبو)
Lege-Cy
2:59
Lafeet
Arsenik
3:33
Nasy (From The Tv Series Ma Trah Lays Kama Ybdo)
Tommy Gun
2:50
Zatak
El Joker
5:27
Far2 Khebra
Afroto
3:16
Mazhar W Mal
Wegz
2:57
نادي المجال السري
فيفتي مصر
3:22
Sokan El Leel
El Joker
5:17
مافيش احلام بتموت (من مسلسل الغاوي)
Hamo Osama
4:20
Barbary
Marwan Pablo
2:37