Tinggallah Kampuang

Tinggalah kampuang Ranah Balingka
Gunuang Singgalang (ondeh) lai ka manjago
Oi mandeh kanduang tolong jo do’a
Antah pabilo (ondeh) kito basuo

Takadia untuang kok lai ka mujua
Bilo masonyo kito basuo
Sadangnyo arek tali jo buhua
Bakarek rotan kini jadinyo

Jikok taragak yo nak basuo
Didalam nyanyi (ondeh) denai pasankan
Jikok taragak mandeh jo ambo
Didalam mimpi (ondeh) kito batamu

Oi mandeh kanduang tolong jo do’a
Antah pabilo (ondeh) kito basuo