Konyana

Pel'a tulo se tshabehang
Sa borena ba Jehova
Bohle, batho, atamelang,
Anang ka ho thothomela!

Le mo tsebe, ke Molimo
Ke 'Mopi oa lintho tsohle
Machaba, marena, bafo
Pel'a hae e ka lerole

Oa laea, oa khalemela
Ho se ea ka mo fetolang
Oa phelisa, oa timetsa
O etsa kamoo a ratang

Empa ho eena lerato
Le khanya joale ka matla
Le timetsa mehopolo
Hape, ha le na ho fela

Morena, u re bopile
U re baballa ka matla
Ntate, u re bolokile
Ha re sa na ho timela

Re tla phahamisa mantsoe
'Moho le machaba-chaba
Bohle, ka pelo e le 'ngoe
Ka mehla re tla u boka