Ariukhan Busgui

Гэзэгний үзүүр бэлхүүсийг нь шүргэхэд
Хүслэнд хүрч сэтгэлдээ инээмсэглэсэн
Алсын сарны туяа уруулыг нь илбэсээр
Цэвэр ариун бүсгүй чиний
Цээжин дотор орж зүрх чинь болъё уу би
Шүүдэр шиг болор нулимс чинь болъё уу би
Сүүдэр шиг дагах зүүд чинь болъё уу би
Мөрөөдлийн сэжүүр сэтгэлийг нь хөдөлгөхөд
Мөнхийн хүслэнгээ биелнэ гэдэгт итгэсэн
Дэрэн доороо амрагийн захиа хадгалсан
Цэвэр ариун бүсгүй чиний
Сэтгэл дотор орж зөн чинь болъё уу би
Итгэл дуудсан совин чинь болъё уу би
Ирээдүй далласан жигүүр чинь болъё уу би
Цэвэр ариун бүсгүй чиний
Цэцэн ухааныг таах оньсого чинь болъё уу би
Цээл яруухан дууны чинь ая болъё уу би
Цэл залуу насны чинь гал болъё уу би