محكمه ودخلنا علي المفرمه (افتري و عوجلي شعره لورا)

إفتروا وعلينا بيدوروا يتمنوا يتصوروا
ويهئّوا ويبخرّوا علشان نسند معاهم
(‫‫حصريًا على موقع مهرجانات دوت كوم (بسهر للصبح، بصرف فلوسي
على كل صحابي والدنيا أوزي
من كثر الشرب وقعت ضروسي أنا شاب مُسِن
‫‫كيمو الديب

محكمة ودخلنا ع المفرمة والدنيا متلصمة
ودماغي متفيمة وبنام وأقوم مفزوع
أقنعة ع القرش متسربعة والشقط بالأربعة
أُسَر يابا مضيعة عادي ومفيش موضوع

خارق كالعادة أحب الرياضة وفي أيها أرض ليّ السيادة
دايمًا يدوني دور القيادة علشان سفاح
طيب بطبيعتي بقلب غدودي مطروش وبايعها عديت حدودي
أنا من غير ما آجي ثابت وجودي فين الأشباح؟

زغللة والسكة متقفلة رجالة متغفلة
والقمورة القنبلة دي سبب الموال
أدخنة بالدنيا متلونة تدفع تاخذ عينة
كل العروض ممكنة هتعد هتشارك

إتدفن الحب جنب الخيانة وحريم الأرض تعبت معانا
Number 1 أتحدى الكل عايزين صيانة وأنا
بسهر للصبح بصرف فلوسي على كل صحابي والدنيا أوزي
من كثر الشرب وقعت ضروسي أنا شاب مسن

إفترى وعوجلي شعره لورا أنا كنت فاكرك مراة
إركز فين السيطرة؟ ما تهدى بقى آفنان
إتكرف علشان جعِر إتعرف ده بجد كتك القرف
أنا فاكره خدمة غرف طماع على طول جيعان

نجمت الهلس عض بشراسة تلميذ خيبان ومحتاج دراسة
لو يحتاج حاجة أستاذ سياسة علشان مصلحته
كلها في الضيقة باعوا وخانوني الدنيا جميلة بيدلعوني
‫‫أنا مستر إكس أنا الكابوني من الدنيا مسحته

إفتروا وعلينا بيدوروا يتمنوا يتصوروا
ويهئوا ويبخروا علشان نسند معاهم
إختفوا ما بقوش بيتصرفوا كبروا وبيخرفوا
البحر أنا بنشفه وعينيّ مش شيفاه

أنا قاطع مخي بأمواس رخيصة هتخش لي سبع ترجع فريسة
هتعلي الصوت هترجع في كيسة آخرك معروف
ثورجت الثورة ثوران جليدي ما بجيبش جبابرة بضرب بإيدي
‫‫‫‫ما بقولش لحد شبهك يا سيدي ‫‫ولا غيرك آخروف

شقلبة زغلولة مش عقربة مجنونة متعصبة
ضحكتها فيها كهربا تقولش سحراني
ملهمة أستاذة ومعلمة وفي العراك مجرمة
آه وفي قلبي متكرمة وتملّي شاغلاني

محكمة ودخلنا ع المفرمة (حصريًا على موقع مهرجانات دوت كوم) والدنيا متلصمة
محكمة ودخلنا ع المفرمة، ودخلنا ع المفرمة والدنيا متلصمة، والدنيا متلصمة