قاعد اعد الدولارات (طوب الارض اشتكي منك)

متعبي بهيليوم زي القنبلة وآخرك هتفرقع
حصريا على موقع مهرجانات دوت كوم
وسعت وإنت معرضها
ماهو مهما جراوي هتعوي دي على إيدي بالكرباج تتلسوع
كيمو الديب

ما هو مش بالجسم يا هلف يا عم البلف ده آخرك هواء
بتقول في غازات يا منفس إنت تنفذ طب خذ دواء
اِسم الله عليك كلامنجي المتحدث ده حلانجي
هنا جيت مع واد أكشنجي فيالاه وفكك من الصوصوة

ما شاء الله اهو كبر الجحش طب خذ عدلك ما تتنحش
النظرات دي معايا ما تاكلش فكك كرف أنا ما بكرفش
بعد ما كله طبق سيريلاك قام فعّل وضع الـ ‫attack
فكك رغي بقى يا لكاك مش مظبوطة ولا جاية معاك

متعبي بهيليوم زي القنبلة وآخرك هتفرقع
علشان فعلك في لسانك آخرك بس يا عم تجعجع
رغيكم مش بيصدعني ما أنا بيكم مش مستعني
ما هو مهما جراوي هتعوي دي على إيدي بالكرباج تتلسوع

إرجع وأنا هستناك جي طالبني أنا جي معاك
عيني كارفاك إيدي أنا جايباك والراجل اللي يكمل جولة
أنا وزمايلي ما بنجلوش وإنت زمايلك خلعوا ما جوش
رنيت وعليك أهو ما ردوش يبقى كفوفنا على قفاك أولى

خلي النظرات على قدك حتى ولو لابس نظارة
علشان جايب اثنين منك بس رجالي من توكيل زارا
وسعت وإنت معرضها كشكشها معايا واظبطها
أشكالك أنا بخرطها بنص لمونة مع نص خيارة

سلم لي على السنيورة قصدي الأوزعة القمورة
خليها بقى تمسح رقمي وتفرمت أيها صورة
بالخوازيق بتعشيك وإنت بتبصم ع الشيك
فرع القرانية هيفتح على حسك بقى كده خليك

طوب الأرض اشتكى منك وأنا مش نانسي هطبطب أدلع
مقموص وعاملي خطيبتي ومادد بوزك عادي ما تولع
هو إنت فاكرني فاضي لك ولا عارف أعيش من غيرك
فوق من وهمك وخيالك عيش في الواقع بقى لو ينفع

قاعد أعد الدولارات ما أنا مش فاضي للحوارات
أنا عايز أعمل كم أرنب ما أنا أصلي ورايا اقساط
أما انتوا بقيتوا فاضيين وفي سيرة الناس جايبين
في فلان إبن أم فلان ويّ الشاي بالياسمين

أهلاً بصحابي العرة أنا آسف على فرق الطبقات
شكلي اتأخرت عليكم وعليّ إيه بتقولوا حوارات
ده شاتمني قبل أما يبوسني وأما أنا باجي يتمحلس لي
طب إمتى هتسلك يا ابني وهتفكك بقى من الحكايات

أنا ‫نمبر وان الجيل أصلي ثقيل على أي ثقيل
بشهادة كل الناس غيري صعب تلاقوا بديل
روحوا شوفوا شغلانة غير ديّ ده اللي بيوقع ما له دية
قلبي ده مش قلب الأم أنا قلبي شطب الحنية

صاصا الكروان ده ختمها خلاص قفلها وكله يروَّح
كيمو الديب راكن كله وكله ده جنبه قاعد ومتنَّح
ماتادور بكلامه ولحنه أما الباقي بيتدفنوا
كاستلو كتب كلماته وقلمه ده مسنون وبيذبح

معاذ وليد ده إدارة ويا أبو طه دول عاملين غارة
الحرب خلاص هتقوم لكن واقفة على إشارة
ده وحوش الميديا الأصلي جايين بجديد مع حصري
شريف غزالة كوماندا والبابا مصطفى المصري