ជើងភ្នំទទា

រលឹម ស្រិច!ស្រិច! ថ្ងៃលិច បាត់ឈឹង
ក្អាត់យំ ទ្រហឹង ឆ្លងឆ្លើយ រកគ្នា
ហ្វូងសត្វ ប្រចៀវ ចេញហើរ ខ្ញៀវខ្ញារ
ឃ្មុំលាបុប្ផា ចូលទំបង្គង

ដើរតាមភ្លឺស្រែ សាខ្សែ សន្ទូច
ចិត្តមួយព្រឺព្រួចកួចនឹកនួនល្អង
នឹកឃើញស្រស់ ស្រីភ័យផង អរផង
ព្រោះអូននិងបង យើងជិត រៀបការ

ត្រដេវវិចយំ ជើងភ្នំទទា
បងដើរម្នីម្នាទៅផ្ទះជីវា
ដៃម្ខាង យួរត្រី
ដៃម្ខាង កាន់ផ្កា
ផ្ញើកែវកនិដ្ឋា ជាសាក្សីស្នេហ៍

ហៅសែនសប្បាយរីករាយ ក្នុងចិត្ត
ថ្វីបើជីវិតជាកូនអ្នកស្រែ
បងដើរហួចច្រៀង ក្រោមភ្លៀង ចុងខែ
បងច្រៀងស្បថស្បែ ថាស្នេហ៍ តែអូន

ត្រដេវវិចយំ ជើងភ្នំទទា
បងដើរម្នីម្នាទៅផ្ទះជីវា
ដៃម្ខាង យួរត្រី
ដៃម្ខាង កាន់ផ្កា
ផ្ញើកែវកនិដ្ឋា ជាសាក្សីស្នេហ៍

ហៅសែនសប្បាយ រីករាយ ក្នុងចិត្ត
ថ្វីបើជីវិត ជាកូនអ្នកស្រែ
បងដើរហួចច្រៀង ក្រោមភ្លៀង ចុងខែ
បងច្រៀងស្បថស្បែ ថាស្នេហ៍ តែអូន