Lekiberesh

ለክብርሽ አለኝ ምስጋና
ከትውልድ አንዱ ነኝና
ሳልታክት የምዘምረው
ኪዳንሽ ስለረዳኝ ነው
በሔዋን መተላለፍ መች ቀረው ምድረበዳ
በልጅሽ ቤዛ መሆን አመለጥኩኝ ከፍዳ
አልቀረም ከንቱ ሆኖ ነቢያት ትንቢታቸው
ተፈጽሟል ድንግል ሆይ መሰላል ሆነሻቸው
ለክብርሽ አለኝ ምስጋና
ከትውልድ አንዱ ነኝና
ሳልታክት የምዘምረው
ኪዳንሽ ስለረዳኝ ነው
የህይወት ውሃ ጠጣው ከማህጸንሽ መንጭቶ
ከድካም አሳረፈኝ መዳፎቹን ዘርግቶ
በላይ በሰማያት ጫፍ ለከበርሽው እናቴ
ፀጋሽን ሊመሰክር ተፈቷል አንደበቴ
ለክብርሽ አለኝ ምስጋና
ከትውልድ አንዱ ነኝና
ሳልታክት የምዘምረው
ኪዳንሽ ስለረዳኝ ነው
ወደ እኔ ስትመጪ ዘለልኩኝ በደስታ
ነፍሴን በሃሴት ሞላው የአንደበትሽ ሰላምታ
አንቺ ከእኔ ጋር ካለሽ በአንዳች አልሰጋም
ቃል አለና በሆድሽ የሚሰጠኝ ሰላም
ለክብርሽ አለኝ ምስጋና
ከትውልድ አንዱ ነኝና
ሳልታክት የምዘምረው
ኪዳንሽ ስለረዳኝ ነው
ማርያም ማርያም ስላልኩኝ አትሸበር ጠላቴ
ገና ከፍ ያደርጋታል ዜማዬና ቅኝቴ
በኤልሳቤት ውዳሴ በገብርኤል ሰላምታ
አንደበቴን ሳልሰስት አከብራታለው ገና