Muiñeira Repolida

Muiñeira repolida,
muiñeira repolida,
muiñeira coma ela
non a vin na miña vida.

Ai la la la la la
ai la la la la la la

Arriba polo Portelo,
na corredoira hai lama;
alumíame rapaza
pra cantar e rir con ganas.

Ai la la la la la
ai la la la la la la

Xa non ten ferriñas,
ferriñas non ten-e;
xa non ten ferriñas,
a mais toca ben-e.

Esta miña pandeireta
é de pelica de cabra;
aínda onte comeu herba,
hoxe toca que escaralla.

Ai la la la la la
ai la la la la la la

E volta e vira,
e volta a virare,
as voltas do medio
son malas de dare.

María meu Marion-e
María meu Marion-e,
ti a min lévame na ialma,
e eu a ti no corazón-e.

Ai la la la la la
ai la la la la la la

Esta vai por despedida
esta vai por derradeira,
esta vai por despedida,
pola miña compañeira.

E volta e vira,
e volta a virare,
as voltas do medio
son malas de dare.

Xa non ten ferriñas,
ferriñas non ten-e;
xa non ten ferriñas,
a mais toca ben-e.