Aperigavit

Aperigavit suup tungaanukarniarnersunga
Tusarnaassavit? Oqaruma sumunnalernerlunga
Alaannassavit? Imaluunniit malernaassavit?
Qununngikkuit aatsaammi sapinngikkuit

Anersaarfissaq silaannaq nutaaq
Inuuneq nutaaq
Aallaqqaataaniik misileeqqilaaq
Inooriaaseq allamut saatseqqilaaq
Imaanngilarmi tassaniinnikuugama kisartunga
Nunarsuarmilu tamaani kisima pisartunga
Takunikuunngisakkagooq misigereerpai
Takunikuunngisasili isima takoreerpai
Isivit maajugisai
Qinngappit tipigisai
Inoqativit mamarisai
Inupiluit illuinnarsiutai

Qunugissanngilagut ajattussanngilagut
Immineersigit
Inuunerup aquutaanik arsaarnagit

Aperigavit suup tungaanukarniarnersunga
Tusarnaassavit? Oqaruma sumunnalernerlunga
Alaannassavit? Imaluunniit malernaassavit?
Qununngikkuit aatsaammi sapinngikkuit

Piareeruit Annikkigit Iperarigit
Pisimasut tamarmik akueralugit

Qunugissanngilagut ajattussanngilagut
Immineertigit
Inuunerup aquutaanik arsaarnagit
Ammartigit
Matorpassuit
Iserpassuit
Uitsillugit
Nammineerusuttut iperaannarlugit
Nukippassuarnik atuiffiginagit
Inuup nammineq isummani malissavaa
Malernaarusaarneq atugarinngilaa
Namminerlu aqqutissani nanissavaa
Takoreerpaa malilereerpaa