لا تنتظر

لا تنتظر للسؤال اللي سألته جواب
بعض الإجابات تأتي في شكل أسئلة
مراحل الضيقة ومراحل الإكتئاب
أمرها في غيابك مرحلة، مرحلة

أنا تراني بعد حسك فقدت الصواب
أروح من مشكلة وأطيح في مشكلة
عز الله إنك كفو عند الجفا والغياب
وعز الله إنك مقصر في الوصل والوله
أجر رجلي على جرتك وأنا مصاب
كأني جريح اللي سلم وعود المقتله

إن كانها عن وصالك إنت وصلك عذاب
وإن كانها عن رحيلك ما هي بالأولة
ياما فقدتك ورحت أطردك مثل السراب
لا غاب عن شوف عيني ولا قدرت أوصله
خليتك أحب من يمشون فوق التراب
وأنزلتك بمنزل ما أحد قبلك أنزله

آه وخليتك لك في عيوني لك ذهاب وإياب
وصدر إذا صار ودك تدهله، تدهله
البيت بيتك تجي وتروح من غير باب
يا ألذ من في الوجود وأروعه وأجمله