Mmiez' 'A Via

Mmiez''a via
Ce n'ammo viste bene
Frutta acevera
Appesa int''a 'nfrascata
Simmo cadute adoppo a na ventata
Quanto luntano chi 'o ssa

Mmiez''a via
'A gente gira sempe
Chi sta allero
E chi sta 'ntussecato
Chi tene a mmente
E chi s'è già scurdato
'E chello c''haddà truvà

Dint''o giardino
Nun ce stanno 'e rose
E l'evera è crisciuta troppo assai
Dint''o giardino mo nun è cchiù cosa
E addò turnavo sempe nun ce stai

Cumpagnia
Quanto te cerco ancora
A quanto tiempo
Te guardo dint''a ll'uocchie
Nun so crisciuto
Pe nun me fà mai viecchio
Simmai l'ammore viecchio se fà

Gelusia
T'he fatto stu pensiero
E comme è amaro
'O veleno int''a sta voce
Nun ce sta niente
Ca 'o core nun ce dice
Si ne vulimmo parlà

Dint''o giardino
So scumparse 'e rose
E l'evera è crisciuta troppo assai
Dint''o giardino mo nun è cchiù cosa
E addò t'aspettavo sempe nun ce stai

(Mmiez''a via)
(Mmiez''a via)
(Mmiez''a via)
(Mmiez''a via)
(Mmiez''a via)
Ll'uocchie 'e chi s'arretira
(Mmiez''a via)
'E chi cammina c''e mmane dint''a sacca
(Mmiez''a via)
'E chi tene friddo e s'astregne dint''a giacca
(Mmiez''a via)
'E chi se guarda a città
(Mmiez''a via)
(Mmiez''a via)
(Mmiez''a via)
(Mmiez''a via)
(Mmiez''a via)
(Mmiez''a via)
(Mmiez''a via)
(Mmiez''a via)