Ose Tau Beta

Lagu jadi pasang angin bawa kabar
Lirik jadi parang rabe os pung sabar
Lama seng bakabar tapi janji seng talanggar
Tunggu nona tunggu dada rasa mo tabakar

Susah hati garu-garu balisah sabadang
Tunggu kabar baru dar beta sampe damang
Ini lagu beta biking deng tamang
Jang ose curiga pikir akang

La maraju seng mau makang
Lalu saki badang jatu banya kilo
Lia akang seng sampe hati aduh sio
Beta pulang pigi cari deng mancari

Bukang pi mayari la ganti stock di hati
Se tau beta to seng sama deng dorang
Telinga kabal dari tajam mulu juta orang
Biar kalalerang musti tau atorang
Se tau beta tau se cuma katorang yang tau

You know I easy come and easy go
Now I just wonder am I falling in love with you
I try to write my feeling to this song
Bae you got me dont you know hu-hu-hu

Cuma aer angin-api yang mangarti bumi
Pasti nona tau kanapa musti dapa uji
Rindu masih ada tapi dia sambunyi
Sama bapukul jantong akang masih babunyi

Kadang rasa sunyi ditenga orang satambong
Tatawa par pampele aermata yg balandong
Bukang beta gantong bukang beta barmaeng
Isi kapala pono deng parkara penting laeng

Satu deng carita hoax datang par bacabar
Biking hati panas labe dari dapa tampar
Kalo tambah masalah nona pun dapa campakan
Marah cuma sementara ang pung sisa beta maafkan

Licing bia racong licik lintah dara
Yang jalani katong tangis tawa katong dapa
Panggayo yang su rusak bisa ganti layar baru
Se tau beta tau se cuma katong yang tau

You know I easy come and easy go
Now I just wonder am I falling in love with you
I try to write my feeling to this song
Bae you got me dont you know hu-hu-hu

Samua yang beta lia
Samua yang beta dengar
Samua yang beta biking tar masalah karna se tau

Samua yang beta lia
Samua yang beta dengar
Samua yang beta biking tar masalah karna se tau beta

Karna ose tau beta tau se
Ose kanal beta kanal se
Tar usah pusing orang
Hati tar salah pilih mana jalan mana jurang

Karna ose kanal beta kanal se
Ose tau beta tau se
Jang dengar dong pung suara
Mata aer di gunung pasti anyo ka muara